最后实体个唱终极性感登场莫文蔚大赞MIRROR好有前途

　　之前MIRROR的六场开演唱会一票难求，原来莫文蔚（Karen）都系MIRRORFans：谁都是帅哥的！而本月11日将再登红馆举行人生最后一次个唱的Karen将展现舞台上最靓一面。她超兴奋爆响口：到时狂野的莫猫宝贝会隆重登场，我做慨嘢离不开性感啦！看来莫文蔚最后个唱有啲料到喎！
　　莫文蔚相隔16年再踏红馆舞台，今次演出意义重大，除咗系《绝色》巡演尾站，仲系人生最后一次大型实体个唱。问到Karen可会依依不舍？她语带坚定说：既然决定咗就唔会后悔，早喺2018年开始巡演时，已度好呢个系我最后一次大型tour，所以改名《绝色》，系终极一次，可能近十年唔系出碟就走埠，系时候要搵新意。老公Johannes听到我呢个决定都话好！因为渠最享受二人世界。但每次我走tour时，我哋要摄时间搵机会见面，始终结咗婚，唔可以成日将工作排喺第一位，咁样对佢唔公平，喺时间要调整一吓两公婆慨节奏。
　　Karen强调她不是以后不唱歌，只是人生去了另一阶段：我依然会继续做我最热爱的唱歌同表演，只系开拓一啲新项目，如迟早会做慨音乐剧，另外因为我钟意猫，最爱猫女造型，去年经已创作咗虚拟人物莫猫宝贝，由渠嚟发声，表达我想表达慨环保、爱护动物等讯息。去年莫猫宝贝推出第一集漫画，好似超级英雄片咁有埋主题曲，做埋原声大碟，甚至设计埋莫猫宝贝身边慨朋友、助手等，由渠哋去拯救世界，完全可以天马行空，真系好好玩，或者到时同黎明慨明福侠crossover，唔排除将来做埋音乐剧，谂起都觉得正呀！呢个猫女都会喺今次演唱会性感登场。
　　入行25年慨Karen主张顺其自然，就算《呼吸有害》于年头横扫四大颁奖礼亦绝不滥做，她认为最重要装备好自己，咁就可以随时应战，她亦给予乐坛新人贴士：最紧要真心热爱音乐、表演同创作，其他唔使理咁多，要知道拍拖还拍拖，音乐还音乐，付出亦较其他行业多，如果唔系一条心去做挨唔到落去。紧贴乐坛的莫文蔚大赞师妹黄妍多才多艺，有文艺气息；Serrini（梁嘉茵）声线够特别系可造之材；MIRROR呢堆后生仔会有一番作为：他们有吸引力，尤其呢个年纪，（系咪钟意渠哋靓仔？）系人都钟意靓仔啦。MIRROR慨魔力，竟然搞到刚51岁生日慨Karen回春发出如少女般慨笑声！
　　连体战衣Karen喺《绝色》巡演中穿上紧身肉色连身舞衣，多0。1脂肪都驾驭不到。
　　二人世界莫文蔚同德国籍老公Johannes结婚十年，老公最想过二人世界，冇计划生儿育女。
　　联乘明福侠莫文蔚话创作慨虚拟人物可以天马行空好好玩，仲忽发奇想同黎明慨明福侠crossover。
　　猫女漫画莫文蔚创作慨虚拟人物莫猫宝贝去年推出漫画，陆续会有第二辑，仲会有埋主题曲及原声大碟。
　　剃发全祼1996年，莫文蔚推出首张专辑《全身莫文蔚》，封面玩全裸仲剃光头，相当大胆前卫。
　　曾系猫痴莫文蔚好钟意小动物，尤其系猫，最高峰屋企收养咗10几只街猫，甚至做埋寄养家庭，不过近年较少留港，随猫儿离世再冇养猫。
　　师妹好嘢师妹黄妍曾为Karen做和音，对方唔止识作曲，仲会自弹自唱，多才多艺。
　　意外惊喜广东歌《呼吸有害》于年头横扫四大颁奖礼，Karen表示意外惊喜，感恩葛天对她不薄。
　　陪伴家人喺疫情下，莫文蔚去咗意大利陪老公小住几个月后，再返港陪伴妈咪及家人过农历新年。