踏入五月。

　　2007。5。1。凌晨
　　鸡蛋啊鸡蛋，点解你要甘样折磨我，搞到我毁容，我同你有仇咩？？仲要系正当五一假期，搞成甘既样点样去行街扫货啊？？林住上学期出现既鸡蛋过敏过左甘耐都应该康复嘎啦，点知原来仲未好！唉话说，前几日下午放学513全体同仁走去一号饭堂食饭，原本见自己块面好似好翻晒甘，林住应该无事嘎啦，咪特登点左番茄炒蛋同酸甜炸蛋咯，食果时食得鬼死甘happy，点鬼知第二日就马上出事了块面红得一小鞑一小鞑，有D痛，跟住又甩皮，搞到去上课果阵都要时不时用手或用头发遮遮下。蛋啊，点解要甘样对我！！又有排要戒口了，无得食鸡蛋啊，好可怜啊，好阴功啊！！
　　离上次写QZone都有两个月时间了，呢两个月发生左好多好多令我值得纪念既事、令我觉得开心既事，令我值得检讨既事，令我担心既事。。。。。。Lala话五年后结婚稳我做姊妹团、Tiffany发生既事、小章章同化翠分手等等，所有突如其来既事令我目不暇给，点都好，我都会尽我能力去帮距地。无论开心定系唔开心，只希望身边既朋友都幸福，幸福，幸福。。。。。。
　　特别4月，真系一个好忙既月份。
　　4月12日，城建Band出show，同秋哥哥第一次上台。我既表现唔系甘好，亦唔会去解释咩原因，因为我唔中意用籍口去为自己去辩护，虽然系存在客观因素，但出黎既效果唔好就系唔好，好内疚，觉得好对唔住大家。但系我唔会气馁嘎，我实得嘎！！
　　4月15日，第3届英文歌唱比赛初赛，第一名。唱完之后得到好多掌声，好开心，但系觉得唔好意思，面都红晒。因为果晚好少人参加，场面尴尬到令我忍唔住成日偷笑。
　　4月19日，第3届英文歌唱比赛决赛，第二名。首先好多谢513、06国贸一班既朋友、情妇、紫虹等等去支持我，仲有好多我唔识得观众既掌声。英语老师阿华贵都有份去做嘉宾评委（后尾颁奖果阵先知原来距系主任，失敬失敬）。果晚赢左套键盘套装（键盘鼠标）翻黎，哇哈哈。其实过后D朋友提起果阵我觉得好瘀好想稳窿捐，天啊。
　　4月21日，广大城建学院艺术团专场表演。系我入左声乐部既第二次公开表演（今次系响凯旋宫添，哈哈，一个好复杂既地方，咔咔），但系系我人生中第一次着吊带裙啊，第一次着高争鞋啊好想稳窿捐啊，事关我无身材，又肥，着起条吊带真系周身唔聚财，好似总系唔够布甘，自己D肥膏又zi晒出黎，好鬼想撞墙；着起高争鞋行路就快要扑落地，行多小小路脚又痛。惨情！！！不过声乐部真系好好玩。
　　有两个星期无翻屋企，总觉得唔止系两个星期，而系感觉过左一段好长既时间，寻日同大只佬搭车翻到广州，然后赴约同温温温行街，最终血洗荷包，无晒钱了。正所谓风吹鸡蛋壳，财散人安乐，但系我一D都唔安乐，仲有好多野未买啊！真令人头痛晚黑10点几终于翻到屋企了，踏入家门口后首先就系爱犬Nobel既飞身热烈迎接。见到嫲嫲爸爸妈妈阿哥同埋Nobel都好精神，一切如常令我好安心。自从上左黎大学，改变左我好多好多，亦系改变我对事物睇法同做法既转折点。其中关于面对家庭，让我越黎越重视屋企人，亦渐渐学识同爸爸妈妈沟通，为屋企为家人着想，响家人面前多左一份关心少左一份任性。其实，由细到大令我最自豪既一件事就系响呢个家庭出世、成长
　　我成日会林，究竟我毕业后会从事咩工作？仲可唔可以成日同班F聚埋一齐颠？以后既人生会变成点？一切都系个谜，只想做好现在！
　　死啦，成晚无训，写呢篇野竟然由凌晨写到中午，狂晕收笔了